Туған күн бәліші

Туған күн жылына бір-ақ рет болады деп кім айтты? Мәселен, Финдус атты балақай мысық оны жылына үш рет тойлайды. Ал оның қожайыны қарт Петсон сол күні оған арнап, туған күн бәлішін пісіреді. Міне, бүгін де Финдустың туған күні. Бірақ тойлау үшін Петсон алдымен шатырға шығып, қармақты тауып алуы керек, құдықтан кілтті алып, велосипедін жөндеуі тиіс, Финдусқа да маңызды жұмыс тапсырылды. Бір сөзбен айтқанда, шаруа көп. Алайда бәрі екеуі ойлағандай болар ма екен? Қарт Петсон мен оның мысығы Финдус туралы кітаптар 40-тан астам тілге аударылып, тіпті мультфильм де түсірілді. Көңілді кейіпкерлері, тартымды сюжеті және таңғажайып иллюстрацияларының арқасында жазушының шығармалары қазіргі балалар әдебиетінің классикасына айналды.