Дұрысшыл сана. Неліктен жақсы адамдар саясат пен дінге бөлінеді?

Кітап авторы Джонатан Хайдт – социолог, философ, этика және мораль психологиясы жөніндегі маман. Осы салалар бойынша оның қаламынан көптеген ғажап еңбектер туған, оның ішінде The Happiness Hypothesis (Бақыт гипотезасы) бестселлері де бар. Адам қалай шешім қабылдайды, моральдық тұжырымды қалай жасайды, неліктен игі жақсылар саясат пен дінге деген көзқарасы бойынша жік-жікке бөлінеді? Міне, автор бұл еңбегінде қазіргі қоғамдағы осындай көкейкесті мәселелерді қарастырады. Одан бөлек, моральдың пайда болу себебі мен жолы секілді күрделі мәселелерді де қозғайды. Кітап шыға салған бетте Amazon сайтында 2 мыңға тарта пікір жазылған, ал GoodReads кітап порталында 5 мыңнан аса оқырман баға берген. Туынды психология, тарих, саясат, философия мамандарына және осы салаларға қызығушылығы бар барша оқырманға арналған.