Айдаһар қыздар: Айсұлу - күміс түстес жылтыр айдаһар

Айсұлу жүзу үйірмесінен шыққалы жатқанда хауыз түбінен көрінген бір ерекше қабыршаққа жетемін деп Сиқырлы орманнан бір-ақ шығады. Ол өзге Жылтыр айдаһар қыздармен бірге Ағаштар патшайымы берген тапсырманы орындауға аттанады. Бұл жолы Сиқырлы алманы Айсұлу алып жүруге тиіс, ішірткі жасауға қажет заттарды іздеп табуға да сол жауапты. Айдаһар қыздар тобы Қызғалдақ атты кішкентай дельфиннің көмегімен түрлі қиындықты жеңіп, Түнек перілерінің өзенді лайлауын тоқтатты. Мектеп жасындағы балаларға арналған.